"Paşinyanın İran səfərində bütün erməniləri bir olmağa çağırması Azərbaycanın qələbəsidir”.
Bunu "Sherg.az”a açıqlamasında siyasi ekspert Yadigar Nağıyev deyib.
Ekspert bildirib ki, Paşinyan artıq regional dəstəyin gəlməyəcəyini çox gözəl anlayır:
"Ermənistanın baş naziri itirilmiş dəstəyə alternativ olaraq qlobal səviyyədə ermənilərə səslənməyə, onları proseslərə hazırlamağa çalışır. Ancaq Paşinyanın bu addımı özünü doğrultmayacaq. Çünki Ermənistana qarşı inam əvvəlki illərlə müqayisədə çox zəifdir. Paşinyanın görüşmə həvəsində olması isə sadəcə "demokratik bir ölkə” imici formalaşdırması və özünü "sülh tərəfdarı” kimi göstərməsindən başqa bir şey deyil.
Paşinyan bu cür gedişlərlə Ermənistanı regional izolyasiyadan çıxarmağa çalışır. Çünki Avropa Birliyi ölkələrindən gələn dəstək ciddi dərəcədə azalmaqdadır. Həm də baş nazir daxili sabitsizlikdən və iqtisadi problemlərdən qaçmaq üçün bu cür absurd davranışlar sərgiləyir”.
İsmayıl
