Ukrayna prezidenti, növbəti prezident seçkilərində namizəd olan Petro Poroşenko yaxın gələcəkdə ölkəsinin Avropa İttifaqı və NATO-ya üzvlük imkanına malik olduğunu söyləyib.
"Sherg.az” Ukrayna KİV-ə istinadən bildirir ki, Poroşenko seçicilər qarşısında çıxış edərkən planlarından danışıb:
"Planımızın növbəti beş ilində həm də Ukraynanın Avropa Birliyi və NATO-ya daxil olması dayanır. Bu birliklərə üzvlük olmadan Ukraynada sülh və təhlükəsizlik Rusiyadan asılı olacaq”.
Qeyd edək ki, Poroşenko dəfələrlə AB-nin və NATO-ya üzvlük kursunu elan edib. Hazırkı prezident, davam edən seçki kampaniyasında Ukraynanın AB və NATO-ya daxil olması ideyasını əsas seçki şüarı olaraq götürüb. Xüsusilə, o, seçkidə qalib gələrsə, 2019-cu ilin sonunda ölkənin NATO-ya üzvlüyü üçün daha bir plan hazırlayacağını deyir. Bu plana əsasən də 2023-cü ildə Ukraynanın bu birliklərə tam üzv olacağını qeyd edir.
Xatırladaq ki, Ukraynada prezident seçkiləri bu il martın 31-də keçiriləcək.
Anar
