"Prezident İlham Əliyev həmişə vurğulayır ki, onun üçün əsas insan kapitalıdır, hər bir Azərbaycan vətəndaşının rifahıdır”.
Bunu "Sherg.az”a açıqlamasında siyasi ekspert Anar İmanov deyib.
Analitik vurğulayıb ki, əhali yaxşı şəraitdə yaşamaq istəyir və cənab Prezidentin bütün fəaliyyəti də buna həsr olunub:
"Xalq-iqtidar birliyi gündən-dündən daha da möhkəmlənir. Hazırda çox əhəmiyyətli tarixi dövrdə yaşayırıq. Bu gün Azərbaycanda əhali üçün edilənlər heç bir dünya ölkəsində edilməyib, edilmir və edilməyəcək. Prezident İlham Əliyevin bölgələrə ardıcıl səfərləri, səfərlərdən sonra rayonlara vəsaitlərin ayrılması ölkəmizi daha da gücləndirir, xalqın sosial müdafiəsini daha da yaxşılaşdırır. Hər səfərdə dövlət başçısı əhali ilə səmimi söhbət edir, problemləri ilə maraqlanır. Hər bir Azərbaycan vətəndaşı Prezident İlham Əliyevin qayğısını, dəstəyini hiss edir.
Dövlət başçımız fəaliyyəti ilə bir daha öz sözlərini təsdiqləyir: "Mən bütün Azərbaycan xalqının, hər bir Azərbaycan vətəndaşının Prezidentiyəm”. Ağsuda əhali ilə görüşən ölkə rəhbəri vətəndaşların ərizələrini şəxsən qəbul etdi. Dediyi sözlərlə bir daha təsdiq etdi ki, yaxın gələcəkdə onun fəaliyyəti nəticəsində heç bir Azərbaycan vətəndaşının problemi qalmayacaq: "Mənim işim sizə xidmət etməkdir. Mən öz vəzifəmi bunda görürəm. Prezident kimi həmişə çalışmışam ki, Azərbaycan xalqına ləyaqətlə xidmət edim. Vətəndaşları narahat edən problemlərin həlli üçün bütün lazımi addımlar atılacaq”.
İsmayıl
