Azərbaycan Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov Lenta.ru saytına müsahibə verib.
O, Avrasiya İqtisadi İttifaqı (Aİİ) ilə əməkdaşlığın genişləndirilməsinin mümkün formatları haqqında suala cavabında deyib ki, Azərbaycan Avrasiya məkanındakı inteqrasiya proseslərini diqqətlə izləyir:
"Kiçik ölkə olsaq da, Azərbaycanın qitələrin kəsişməsində yerləşməsi bizi çoxlu sayda logistik layihələrin iştirakçısına çevirir. Azərbaycanın iqtisadi potensialı əməkdaşlıq üçün öz şərtlərini diktə edir və bu gün ikitərəfli format daha nikbin görünür. Avrasiya İqtisadi İttifaqının üzvləri - Rusiya, Qazaxıstan və Belarusla uğurlu qarşılıqlı faydalı münasibətlərimiz yaranıb. Bizim həmin ölkələrin hər biri ilə çox yaxşı əmtəə dövriyyəmiz var və onun gələcəkdə artması üçün böyük potensial var.”
Şöbə müdrinin fikrincə, Azərbaycan prezidentinin Ermənistanın Avrasiya İqtisadi İttifaqının daxil olması ilə bağlı mövqeyini Qazaxıstan prezidenti səsləndirib və həmin mövqe ondan ibarətdir ki, İrəvan istənilən ittifaqa yalnız beynəlxalq birlik tərəfindən tanınan sərhədləri çərçivəsində daxil ola bilər.
N.Məmmədov vurğulayıb ki, biz bütün inteqrasiya layihələrinə iqtisadi və siyasi faydalılıq mövqeyindən yanaşırıq. Hazırda əməkdaşlığın ikitərəfli formatı bizi, eləcə də tərəfdaşlarımızı qane edir”.
