"Azərbaycan Prezidentinin qarşıya qoyduğu ən başlıca məqsəd vətəndaşlarımızın bütün problemləri ilə dərindən maraqlanmaqdır”.
Bu sözləri "Sherg.az”a açıqlamasında "İki Sahil” qəzetinin baş redaktoru Vüqar Rəhimzadə deyib.
Onun sözlərinə görə, ölkə başçısı reallaşdırdığı işlərin əhalinin arzu və istəyinə uyğun olması üçün çalışır:
"Düşünürəm ki, bu, olduqca vacib bir siyasətdir. Vətəndaşlarımızın rifah halının yaxşılaşması, onların yaşadıqları ərazidə abadlıq işlərinin aparılması xalqımıza göstərilən diqqətin nümunəsidir.
Eyni zamanda fevralın əvvəlində baş vermiş zəlzələdən dərhal sonra cənab prezidentin bölgələrə səfər etməsi, əhali ilə görüşməsi, zəlzələ olmuş evlərə baş çəkməsi, vətəndaşlarla təmasda olması xalqımıza mənəvi, psixoloji dayaqdır.
Hesab edirəm ki, rəhbərin ən böyük xüsusiyyəti xalqla bir yerdə olmasıdır. Prezident səfəri zamanı verdiyi tapşırılqlara bilavasitə özü nəzarət edir. Bütün bunlar onun vətəndaş amilinə verdiyi dəyərin göstəricisidir”.
Qeyd edək ki, fevralın 5-də və 6-da Şamaxı, İsmayıllı və Ağsu rayonlarında baş vermiş zəlzələ bir sıra fəsadlar törətmişdi. Ölkə başçısı Ağsuya səfər edərək əhalinin hazırkı durumu ilə maraqlanıb və müvafiq göstərişlər verilib.
Yeganə Bayramova
