"Qara bazar”ın fəaliyyəti get-gedə zəyifləyir".
Bu sözləri "Sherg.az”a iqtsadçı millət vəkili Vahid Əhmədov deyib.
O qeyd edib ki, "qara bazar”da yaranmış vəziyyəti valyutadəyişmə məntəqələrinin bağlanması ilə izah etmək düzgün deyil:
"Azərbaycanda pul və kredit sahəsində problemlərin olduğu üçün belə vəziyyət yarandı. Manatın məzənnəsində problem oldu. Bütün bunlar valyutadəyişmə məntəqələrindən müəyyən qədər vəsaitin "qara bazar”a getməsinə şərait yaratdı. Amma indi vəziyyət nisbətən sabitdir.
Dünya təcrübəsindən valyutadəyişmə məntəqələri bankların nəzdindədir. Onların filialları kimi fəaliyyət göstərirlər və orada istənilən an müşahidələr aparılır. Turistlərin ölkəyə axının kəskin artması hesabına valyutadəyişmə məntəqələri yenidən açıldı. Turizm sahəsində 2017- ci ildə artım təxmini 25 faiz oldu. Şənbə-bazar günləri banklar bağlı olduğu üçün xarici qonaqlar vəsaitlərini vaxtında dəyişə bilmirdilər. Bütün bunları nəzərə alaraq Milli Məclis valyuta dəyişmə məntəqələrini yenidən bərpa etdi. Və orada nizamnamə kapitalı 50 min manat manat qoyuldu. Bu da çox böyük məbləğdir.
Həmçinin, həmin məntəqələr Maliyyə Bazarlarına Nəzarət Palatasının (MBNP) yoxlamalarından keçəcək. Əvvəlki vaxtlar kimi fəaliyyət göstərməyəcək. İndi nəzarət güclü olacaq. Bu da "qara bazar”ın inkişafına imkan verməyəcək”.
"Rayonlarda "qara bazar”ın sərbəst şəkildə fəaliyyət göstərməsinə dair iddialara toxunan ekspert buna inanmadığını vurğulayıb:
"Rayonlarda bu bazarların uzun zaman fəaliyyət göstərəcəyini düşünmürəm. Hüquq mühafizə orqanları onun qarşısını alacaq”.
Kənan Eynuroğlu
