Tanınmış QHT sədri, BAXCP sədrinin müavini Niyaməddin Orduxanlı ABŞ Konqresinin üzvü cənab Alsee Hastinqsə təşəkkür məktubu ilə müraciət edib. N.Orduxanlının "Sherg.az”a verdiyi məlumata görə, bununla bağlı "facebook” səhifəsində QHT sədrlərinə müraciət ünvanlayıb: "Hörmətli vətəndaş cəmiyyətinin nümayəndələri, siyasətçilər, jurnalistlər və dostlar, sizin hər birinizi ABŞ Konqresinin üzvü cənab Alsee Hastinqsə təşəkkür məktubu yazmağa dəvət edirəm! Məlumat üçün deyim ki, ABŞ konqresinin üzvü Alsee Hastinqs Xocalı soyqırımını törədənlərin məsuliyyətə cəlb olunması barədə acıqlamasına görə ermənilərin kəskin hücumlarına məruz qalmaqdadır. Biz bir mənəvi borc olaraq konqresmenə dəstək məktubları göndərib, millətimiz adından dərin təşəkkürümüzü bildirməliyik. Düşünürəm ki, bu, dövlət maraqlarımız üçün son dərəcə önəmlidir. Hörmətli konqresmen görməlidir ki, Azərbaycan vətəndaşları onun təklifini çox müsbət qarşılayır. Alsee Hastinqsin elektorn ünvanını da sizlərə təqdim edirəm.
Xahiş edirəm, təklifimi dəyərləndirin və dəstək məktubunuzu bu ünvana göndərin: info@alceeforcongress.com. Həmçinin də bu müraciətimi özünüzün "facebook” səhifənizdə və digər sosial şəbəkələrdə yayın. Təşəkkür müraciəti nə qədər çox olarsa, bir o qədər dövlətimiz üçün müsbət nəticəsi olar...”
İsmayıl
