Xalq artisti Rasim Balayev Azərbaycan Respublikası Kinematoqrafçılar İttifaqının sədri, Xalq artisti Şəfiqə Məmmədova ilə barışıblar.
C.Cabbarlı adına "Azərbaycanfilm” kinostudiyasından Kulis.aza verilən xəbərə görə, 8 Mart günü Rasim Balayev Şəfiqə xanıma zəng edərək, onu təbrik edib, şəxsiyyətinə və yaradıcılığına böyük hörmət bəslədiyini dilə gətirib və bununla da iki tanınmış sənətkar arasında baş verən inciklik sona çatıb.
Xatırladaq ki, sənətkarlar bir müddət əvvəl mətbuatda baş verən anlaşılmazlığa görə bir-birindən incimişdilər.
