"Amerika Rusiyanın özünə yox, müttəfiqlərinə qarşı vaxtaşırı zərbələr endirir”.
Bunu "Sherg.az”a Suriyada ABŞ döyüş təyyarələrinin Suriya ordusunun tərəfində vuruşan döyüşçülərə zərbələr endirməsindən danışarkən politoloq Zərdüşt Əlizadə söyləyib.
O xatırladıb ki, rus döyüşçüləri bölgədə olsa da, olmasa da, Moskva mənfi münasibət bildirib:
"Rusiya və Amerika arasındakı münasibətlər yaxşı deyil. Hər iki tərəf barışmaz mövqedədir. Rusiya bu hadisədən sonra nə edə bilər ki? Moskva indi ona görə sakitdir ki, vaxtilə o dövlətə nüvə silahı verib. Əgər o nüvə silahı olmasaydı, Rusiya Amerikanı ciddiyə almazdı”.
Qeyd edək ki, fevralın 7-də Suriya ordusunun tərəfində vuruşan döyüşçülər Deyr-ez-Zor əyalətində minaatanlar və reaktiv yaylım atəş sistemlərdən, həmçinin ABŞ-ın başçılıq etdiyi koalisiyanın vertolyotlarından atəşə tutulub. Zərbələr nəticəsində ölən döyüşçülər arasında biri polkovnik olmaqla 3 Rusiya hərbçisi var. Məlumata görə, rejim tərəfdarları hökumət qoşunlarının postlarına atəş açan terrorçuların məhv edilməsi üçün keçmiş neft emalı zavodu istiqamətində kəşfiyyat-axtarış hərəkətlərini icra edirdi.
Aysel Aslan
