"Rusiya 25 ildir, Dağlıq Qarabağ münaqişəsi ilə bağlı nikbinliklə danışır”.
Bunu "Sherg.az”a Rusiya Xarici İşlər Nazirliyinin rəsmi nümayəndəsi Mariya Zaxarovanın münaqişə haqqında fikirlərinə münasibət bildirərkən millət vəkili Asim Mollazadə deyib.
O xatırladıb ki, ATƏT-in Minsk qrupunun həmsədri olan Rusiya münaqişənin həllində fəal olduğunu göstərməyə çalışır:
"Şimal qonşumuz bir neçə dəfə belə bəyanatlar səsləndirib. Guya Rusiya fəaldır, guya yaxın müddətdə nəticələr olacaq. Belə bəyanatlar səsləndirməkdə Rusiyanın məqsədi real vəziyyəti pərdələməkdir. Beynəlxalq ictimaiyyəti guya danışıqların aparıldığına inandırmaq istəyirlər. Beləliklə, Rusiya havadarı olduğu Ermənistanın işğalçılıq siyasətini ört-basdır etmək istəyir”.
Qeyd edək ki, M. Zaxarova "Rusiyanın Qarabağ münaqişəsinin həllini tapacağına ümidi var"- şəklində açıqlama səsləndirib.
Aysel Aslan
