Səüdiyyə Ərəbistanında "ədəbsiz rəqslərə" görə həbslər keçirlib.
Yerli mətbuatın xəbər verdiyinə görə, əxlaq polisi bir qrup gənci ad günü məclisində rəqs etdiklərinə görə həbs edib.
bbc-i xəbər verir ki, Hökümətpərəst "Ayn əl-Yum" saytının yaydığı məlumata əsasən, onlar Səüdiyyə Ərəbistanın mühafizəkar adətlərilə tanınan Burayda şəhərində Əxlaq və Tərbiyyə Komitəsi əməkdaşları tərəfindən həbs olunub.
Məlumata görə, Komitə əməkdaşları özəl evlərdən birində "səs-küylü musiqi çaldırıldığı və ədəbsiz rəqslər edildiyinə görə" axtarış apararaq oradakı bütün kişiləri həbs ediblər.
Polis irəli sürülmüş ittihamları araşdırır.
