Milli Məclisin yaz sessiyasının ilk iclasında deputat Fazil Mustafa Xocalı faciəsinin növbəti ildönümünün yaxınlaşdığını xatırladıb.
"Sherg.az" bildirir ki, deputatın sözlərinə görə, Xocalı faciəsinin 26-cı ildönümünə az vaxt qaldığı bir zamanda AŞPA-da Ermənistan prezidenti Serj Sarkisyan çıxış edib, Sumqayıt hadisələrindən danışıb:
"Bu gün ermənilər 30 il əvvəl baş vermiş Sumqayıt hadisələrini xatırlatmaqla bundan bizə qarşı istifadə etməyə çalışır. Əslində Sumqayıt hadisələrinin erməni əsilli Eduard Qriqoryan tərəfindən törədilməsini sübut edən sənədlər var. Bununla bağlı Respublika Prokurorluğunda zamanında ciddi araşdırma aparılıb. Hesab edirəm ki, biz düşmənin təbliğatını nəzərə almalıyıq.
Beynəlxalq mediaya çıxış imkanlarından geniş istifadə etməyliyik. Yenə deyirəm, Xocalı faciəsinin ildönümünə 25 gün qalıb. Düşünürəm ki, indidən bütün təbliğat vasitələrini işə salmaq lazımdır”.
Anar
