Hər 100 min adama 16 həkimin düşdüyü İndoneziyada, bir söz-söhbət xalqın dəmiryollarına axın etməsinə yol açdı. 1500 volt elektrik cərəyanının xəstəliklərə yaxşı təsir etdiyi iddialarından sonra şəfa tapmaq istəyənlər relslərin üzərinə yataraq qatarın keçməsini gözlədi.
Müasir tibbin yanında alternativ tibb kimi sağlamlıq üsullarının da böyük rəğbət qazandığı bu ölkədə, vətəndaşlar qatar stansiyalarında görüntüləndi. 1500 volt axının olduğu Java adasındakı Rawa Buayada insanlar yanlarından 80 kilometr sürətlə keçən qatar vaqonlarına fikir vermədən relslərə uzanır. 1500 voltluq enerji istifadə edilən relslərə uzanan yüzlərlə İndoneziyalı yayılan elektrikin onları yaxşılaşdırdığını, stresslərini aldığını və bəzi narahatlıqları ortadan qaldırdığını önə çəkdi. Dəmiryolunda, şəfa tapma ümidiylə relslərə uzanan insanları hər vaxt görmək mümkündür. Qatar keçdiyi zaman müalicələrinə ara verən insanlar bəzən bütün gününü dəmiryolu üzərində keçirirlər.
