Son günlər Ermənistan- Azərbaycan sərhəddində yaranmış gərginlik hər iki tərəfin itkilər verməsi ilə nəticələndi. Azərbaycan tərəfdən erməni təxribatçıları ilə mübarizədə yeddi igid, qəhrəman oğul vətən uğrunda şəhid oldu, yaralılarımız da var. Bununla bağlı sosial şəbəkələrdə bir sıra ziyanlı fikirlər səslədirilir.
Belə hallarda nəyə görə məhz kasıb övladlarının qurban olması mövzusu ətrafında insanlar polemika aparılır. Bəs istər ikinci Qarabağ savaşı ,istərsə də indiki dönəmlərdə toplumda xaos yaradan, insanları ruhdan salan bu cür zərərli düşüncələr niyə “ayaq açıb yeriyir”.
Məsələyə münasibət bildirən Qarabağ qazisi Kamil Musavi “Sherg.az”a söyləyib ki, insanlar gördükləri nə varsa, onları daha real qəbul edirlər:
“Hər kəs İkinci Qarabağ savaşında iştirak edib şəhid olanların əksəriyyətinin çox kasıb ailələrdən çıxan vətən oğullar olduğunun şahidi oldu. Bu səbəbdən insanlar durumu dəyərləndirib belə olduğuna qərar veriblər. Ümumiyyətlə, Vətən hər zaman kasıbların olub”.
Qarabağ qazisi kasıb vətən oğullarının imkanlı ailələrin övladlarına baxıb ruhdan
düşməkdənsə, qəhrəman kasıb oğullara baxıb daim fəxr etmələrini istədiyi vurğulayıb:
“Kasıb insanlar daim bu xalqın dayağı və qoruyucusudur. Hazırda cəmiyyətdə hökm sürən fərdlərin bu yanaşmasını yanlış kimi qəbul etmək olmaz. Məlumdur ki, gözün qəbul etdiyi informasiyada həqiqət payı daha yüksək olur. Görünən durum da budur”.