Almaniya kansleri Angela Merkel Rusiya Prezidenti Vladimir Putinlə telefonla danışıb.
“Vestnik Kavkaza”nın məlumatına görə, bu barədə Kremlin saytında məlumat verilib.
“İdlib de-eskalasiya zonasında indiki gərgin vəziyyət nəzərə alınmaqla Suriya probleminin nizamlanması məsələləri müzakirə edilib. Bu çərçivədə martın 5-də Moskvada Rusiya-Türkiyə sammitinin səmərəli keçirilməsinə ümid ifadə olunub”, - deyə məlumatda bildirilib.
Bundan başqa, Putin və Merkel Liviya məsələləri barədə də fikir mübadliləsi aparıblar.
Liderlər gələcək görüşlər barədə razılığa gəliblər.
Telefon danışığı Almaniya tərəfinin təşəbbüsü ilə baş tutub.