"Tarix çox vacibdir, heç vaxt Rusiyanın vədlərinə inanmamalısınız, çünki o, sizi aldadacaq”.
24News.ge xəbər verir ki, bu sözləri prezident Salome Zurabişvili media nümayəndələri ilə görüşü zamanı deyib.
Prezidentin sözlərinə görə, Rusiya ilə Gürcüstan arasında güc balansı heç vaxt Gürcüstanın xeyrinə olmayıb:
“Bu, bizim nümunəmizdir ki, güc balansı heç vaxt bizim xeyrimizə olmayıb. Biz Ukraynanın vəziyyətində də deyilik, Rusiyaya münasibətdə böyük ərazimiz, insan və hərbi resurslarımız yoxdur, lakin bu heç vaxt Gürcüstanın müəyyən güzəştlərə getməsinə səbəb olmayıb. Georgiyevskinin 1783-cü il traktatı bəzən yanlış anlaşılır. Həmişə olduğu kimi, Rusiya müqavilənin bir hissəsini yerinə yetirmədi, onu tamamilə pozdu, ilhaq yolu ilə pozdu, bu, Rusiyanın verdiyi vədlərə necə yanaşdığını bizə öyrətməlidir. Rusiya daha yaxın tarixdə dəfələrlə Abxaziya və Sxinvaliyə 1991-ci ildən bəri müxtəlif formalarda daxil olub, dəfələrlə dolayı danışıqlar apararaq, guya ki, ya Abxaziya, ya da Abxaziyanın yarısını birinə, bəzən digərinə, bəzən də başqasına verəcəyini vəd edir. Biz Saakaşvili ilə Putinin bu mövzuda söhbətlərini xatırlayırıq və bundan əvvəl onlar Şevardnadzeyə söz vermişdilər".
Salome Zurabişvilinin fikrincə, Rusiyadan qorxaraq nədənsə imtina etmək heç vaxt düzgün deyil, çünki Rusiya imperialist gücdür:
“Rusiya ilə münasibətlərdə ondan qorxduğunuzu və nə isə verdiyinizi hiss etdirmək heç vaxt düzgün deyil. Rusiya öz təbiətinə görə imperialist bir gücdür və divarı aşdıqdan sonra sizin üzərinizə keçə biləcəyini hiss etdikdən sonra hərəkət edəcək”, - deyə Salome Zurabişvili vurğulayıb.
