"Avropada sülh yalnız Ukraynanın Rusiyaya qarşı müharibədə qələbəsindən sonra mümkündür".
“Report” xəbər verir ki, bunu Ukrayna Prezident Ofisinin rəhbəri Andrey Yermak telegram kanalında yazıb.
Onun sözlərinə görə, Ukraynanın NATO-ya üzvlüyü sülhü möhkəmləndirməlidir.
Yermak qeyd edib ki, Müdafiə Qüvvələri çoxlu sayda mina və qarşı tərəfin hava üstünlüyünə baxmayaraq irəliləyir.
Bundan əvvəl NATO üzvləri və baş katib Yens Stoltenberq dəfələrlə qeyd ediblər ki, Ukrayna müharibə davam edərkən alyansa qoşulmayacaq.
