Braziliya OPEC+ Əməkdaşlıq Xartiyasına qoşulub.
Ölkənin hakimiyyət orqanları hələlik alyansın neft hasilatını azaltmaq səylərini dəstəkləmək fikrində olmadığını deyib.
Bundan əvvəl Braziliya prezidenti Luiz İnasio Lula da Silva bildirib ki, ölkə OPEC+-da yalnız müşahidəçi qismində iştirak etməyə çalışır və heç vaxt alyansa tamhüquqlu üzv kimi qoşulmayacaq.
Hazırda alyansa 23 ölkə, o cümlədən ən böyük istehsalçılar - Rusiya və Səudiyyə Ərəbistanı daxildir.
OPEC+-nın əsas məqsədi üzv ölkələrin maraqlarını qorumaqdır. Bu ölkələrin büdcələri daha çox neft hasilatı və ixracı hesabına formalaşdığından təşkilat üçün əsas məsələ dünya neft bazarında qiymətlərə nəzarət olub.