Türkiyə milli futbol komandasının təcrübəli kapitanı Hakan Çalhanoğlu "ay-ulduzlu" forma geyinərək ən çox qol vuran futbolçular siyahısında 4-cü sıraya yüksəlib. Çalhanoğlu bu uğuru ilə Lefter Küçükandonyadis və Cenk Tosuna çatıb.
Sherg.az xəbər verir ki, Hakan Çalhanoğlu UEFA Millətlər Liqasının pley-off mərhələsinin cavab oyununda Macarıstana vurduğu penalti ilə millinin heyətində vurduğu qolların sayını 21-ə çatdırıb.
Texniki direktor Fatih Terimin rəhbərliyi altında 6 sentyabr 2013-cü ildə ilk dəfə geyindiyi milli forma ilə 97 matça çıxan 31 yaşlı yarımmüdafiəçi siyahının 4-cü pilləsində hər ikisi 21 qol vuran Lefter Küçükandonyadis və Cenk Tosunu yaxalayıb.
Burak Yılmaz 31 qolla reytinqdə ikinci, Tuncay Şanlı isə 22 qolla üçüncüdür.
Çalhanoğlu 3:0 hesabı ilə qalib gələn Macarıstana qarşı son oyunun 37-ci dəqiqəsində penaltidən qola imza atıb.
