Türkiyə çempionatında "Hatayspor" klubunun heyətində bombardir olmuş Qabon millisinin hücumçusu Aaron Bupendza Çində bədbəxt hadisə nəticəsində vəfat edib.
Trend-in məlumatına görə, futbolçu yaşadığı binanın 11-ci mərtəbəsindən yıxılaraq həyatını itirib. “Jeylanq” klubunun futbolçudan xəbər ala bilməyən nümayəndələri dərhal polisə məlumat veriblər.
İlkin ehtimallara əsasən, Bupendza özünü 11-ci mərtəbədən atıb. Hadisədən əvvəl futbolçunun evinə qardaşının gəldiyi və onların arasında səbəbi hələlik məlum olmayan münaqişə yaşandığı bildirilir.
Qeyd edək ki, Aaron Bupendza “Hatayspor”da parlaq çıxışı ilə yadda qalıb. O, həmçinin Fransa, Portuqaliya, Rumıniya, ABŞ, Qətər və Səudiyyə Ərəbistanı klublarında da çıxış edib. Hücumçu bu ilin yanvar ayından etibarən karyerasını Çində davam etdirirdi.
