Şəkilişlər İslandiya və Mərakeşdə aparılacaq
Nachtrit, Undercover, Ferry kimi ekran işləri ilə tanınan hollandiyalı aktyor Frank Lammersin növbəti layihəsi açıqlanıb. Məşhur aktyor, “Sale” adlı serialda baş rolda çıxış edəcək.
Sherg.az xəbər verir ki, Frank Lammers yeni serialda, gerçək həyatda İslamı qəbul edərək Şimali Afrikadakı Sale şəhərində ən güclü quldur admirallarından birinə çevrilən hollandiyalı dəniz kapitanı, başqa adı ilə Murat Reis (Jan Janszoon) obrazını canlandıracaq.
Deadline xəbərinə görə, altı bölümdən ibarət iki mövsüm planlaşdırılan serialın çəkilişləri İslandiya və Mərakeşdə aparılacaq.
Hazırlıqları davam edən layihə, Berberi quldurları tərəfindən əsir alınıb Mərakeşdə kölə kimi satılan islandiyalı bir ana və qızının hekayəsini mövzu alır.
