“Dron divarı” layihəsinin effektiv olması üçün Avropa düşmən pilotsuz təyyarələrinin aşkarlanması və qarşısının alınması üçün əlavə vasitələr əldə etməlidir".
Teleqraf xəbər verir ki, bunu jurnalistlərə açıqlamasında Avropa İttifaqının müdafiə məsələləri üzrə komissarı Andrius Kubilius deyib:
“Əlbəttə, biz ukraynalıların pilotsuz təyyarələrlə necə mübarizə apardığını və bizim hansı imkanlara malik olduğumuzu müqayisə etdikdə çox aydın şəkildə deyə bilərik ki, biz hazırda çatışmazlıq ola biləcək əlavə imkanları inkişaf etdirməliyik".
Kubilius qeyd edib ki, PUA-ların aşkarlanması texnologiyalarının inkişafına üstünlük verilir: "Kiçik dronlar çox aşağıdan uçan zaman bizə, Ukraynada olduğu kimi, ən effektiv işləyən radarlar, akustik sensorlar və digər texnologiyalar lazım olacaq”.
O həmçinin inteqrasiya olunmuş detektorlar şəbəkəsinin yaradılmasının və üzv dövlətlər arasında düzgün koordinasiyanın vacibliyini vurğulayıb.
"İkincisi, əlbəttə ki, biz effektiv məhvetmə vasitələrini və elektron müharibəni nəzərdən keçirməliyik", - Kubilius qeyd edib.
Kubilius deyib ki, 10 min dollara başa gələn pilotsuz təyyarəni vurmaq üçün 1 milyon dollar dəyərində hava-hava raketlərindən istifadə edilib-edilməməsinə elə yerindəcə qərar verilməlidir.
