Novxanıda dənizdə batan gəncin meyiti çıxarılıb - YENİLƏNİB

Abşeron rayonunda dənizdə batan şəxsin meyiti sudan çıxarılıb.

APA-nın Sumqayıt bürosunun məlumatına görə, 1990-cı il Məmmədov Pərviz Adil oğlunun meyiti Corat qəsəbəsi yaxınlığında dənizdə aşkar olunub.
Meyit çıxarılaraq aidiyyəti üzrə təhvil verilib.
***
Saat 18:42
Abşeron rayonunun Novxanı kəndində, dənizdə 1 nəfər batıb.
Bu barədə APA-ya Fövqəladə Hallar Nazirliyindən bildirilib.
Xəbərə görə, FHN-nin  "112" qaynar telefon xəttinə, Abşeron rayonunun Novxanı kəndində, dənizdə, qeyri-çimərlik ərazidə (nəzarətsiz) 1 nəfərin batması barədə məlumat daxil olub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.