Qubada xəsarətlə nəticələnən ağır yol-nəqliyyat hadisəsi baş verib.
Sherg.az Report-a istinadən xəbər verir ki, rayonun Xucbala kəndi ərazisində VAZ-2109 və “Opel” markalı minik avtomobilləri toqquşub.
Nəticədə 1979-cu il təvəllüdlü Elzamin Seyfulla oğlu Zülfüqarov, 1989-cu il təvəllüdlü Nurlan Cavanşir oğlu Balayev, 1985-ci il təvəllüdlü Elnur Ərəstun oğlu Əlixanov, 1954-cü il təvəllüdlü Nazif Nəriman oğlu Əliyev və 1980-cı il təvəllüdlü Qahir Asəf oğlu Süleymanov müxtəlif dərəcəli xəsarətlər alıblar.
Yaralılar Qusar Rayon Mərkəzi Xəstəxanasına yerləşdiriliblər. Onların vəziyyəti ağır qiymətləndirilir.
Faktla bağlı araşdırma aparılır.