Kanada dünya liderliyi rolunu üzərinə götürməyə hazırdır.
Teleqraf xəbər verir ki, bunu Kanadanın Baş naziri Mark Karni bildirib.
"Əgər ABŞ artıq dünya lideri olmaq istəmirsə, bu rolu Kanada öz üzərinə götürəcək", - Karni vurğulayıb.
Baş nazirin sözlərinə görə, ABŞ-nin son 80 ildə qlobal iqtisadi liderlik etməsi, etimad və qarşılıqlı hörmət əsasında ittifaqlar qurması və azad ticarəti müdafiə etməsi dövrü artıq başa çatıb: "Bu, faciəvi olsa da, eyni zamanda yeni reallıqdır".
Xatırladaq ki, bundan əvvəl Mark Karni ABŞ ilə münasibətlərin əvvəlki kimi olmayacağını açıqlayıb və Vaşinqtonun mühafizəkar siyasətinə cavab olaraq Ottavanın iqtisadi kursunu kəskin dəyişdirmək niyyətində olduğunu bəyan edib.
