Kürdəmirdə baş verən yol qəzasında xəsarət alanların kimliyi bəlli olub.
"Report"un Yuxarı Şirvan bürosunun xəbərinə görə, bunlar sürücü, Bakı sakini 29 yaşlı Bəkirov Rauf Kamal oğlu və onun sərnişini 32 yaşlı Zərdab rayon sakini Eyyublu Rüşanə Əli qızıdır.
Qeyd edək ki, hadisə Kürdəmir-Zərdab yolunun rayonun Köhünlü kəndindən keçən hissəsində qeydə alınıb.
Belə ki, "Hyundai" markalı avtomobil Kürdəmir istiqamətində hərəkətdə olarkən idarəetmədən çıxıb. Nəticədə avtomobil əvvəlcə yolda hərəkət edən qoşqulu traktora, sonra isə onunla əks istiqamətdən gələn "Ford" markalı mikroavtobusa çırpılıb.
Minik avtomobili bundan sonra yoldan çıxaraq yol kənarına aşıb. Hadisə zamanı "Hyundai"ın sürücüsü və onun sərnişini müxtəlif dərəcəli ağır xəsarətlər alıblar.
Yaralılar təcili tibbi yardım maşınının köməyi ilə Kürdəmir Rayon Mərkəzi Xəstəxanasına çatdırılıblar.
Faktla bağlı araşdırma aparılır.
