“Prezident Tramp ABŞ-ın enerji bolluğunu Amerikanın rifahının təməli kimi qiymətləndirir və Birləşmiş Ştatlar, alyansları və tərəfdaşları ilə birgə əməkdaşlıq edərək hər bir millətin öz resurslarından istifadə edərək inkişaf edib zənginləşməsinin təmin edilməsi üçün enerji bolluğunu ortaya çıxarmağa hazırdır”.
Bu sözləri ABŞ Dövlət Departamentinin Enerji Resursları Bürosunun baş məsləhətçisi Erik Ceykobs APA-ya bildirib.
Onun sözlərinə görə, təbii qaz naməlum enerji gələcəyinə körpü yanacağı kimi arxa plana keçmir: “Təbii qaz biz hamımız üçün etibarlı, əlverişli və təhlükəsiz enerji mənbəyidir və gələcəkdə də belə qalacaq. O, üstün yanacaq növüdür və artan qlobal enerji tələbatını qarşılamaq üçün vacibdir. Bir neçə həftə əvvəl Sangacal ixrac terminalını ziyarət etdim. Aydın olur ki, Azərbaycan təbii qazın gələcək üçün üstün yanacaq növü olduğunu unutmur.”
Ceykobs, Prezident Trampın enerji planının dizel, benzin və ev istilik xərclərini azaldacağını, həm istehlakçılara, həm də biznes sahəsinə fayda verəcəyini qeyd edib.
