İran Prezidenti Məsud Pezeşkian Tehranın Vaşinqtonla bərabərhüquqlu dialoqa hazır olduğunu bəyan edib.
Teleqraf xəbər verir ki, bu barədə "Al Arabia" məlumat yayıb .
Nazirlər Kabineti üzvləri qarşısında çıxış edən M.Pezeşkian İslam Respublikasının qarşılıqlı hörmət əsasında danışıqlar aparmaq istəyini vurğulayıb.
O deyib: "İran İslam Respublikası bərabər şərtlərlə dialoq istəyir. Əgər danışıqlar istəyirsənsə, hədələmənin nə mənası var?".
Dövlət başçısı ABŞ-nin xarici siyasətini də pisləyib və deyib ki, Amerika təkcə İranın suverenliyini tapdalamır, həm də bütün dünyanı təhqir edir.
Bununla belə, o, Tehranın Vaşinqtonla birbaşa danışıqlarda iştirak edib-etməyəcəyini dəqiqləşdirməyib .
