İranın ali dini lideri Ayətullah Əli Xamenei ölkənin Silahlı Qüvvələrinin tam döyüş hazırlığına gətirilməsinə göstəriş verib.
"Report" "Reuters" agantliyinə istinadən xəbər verir ki, bu barədə adı açıqlanmayan yüksək rütbəli İran rəsmisi bildirib.
Qeyd olunub ki, qərar ABŞ-dən gələn təhdidlər fonunda qəbul edilib.
Xatırladaq ki, aprelin 2-də İran hakimiyyəti hava məkanını bağlamaq və Silahlı Qüvvələri döyüş hazırlığı vəziyyətinə gətirmək qərarına gəlib. Müvafiq qərarlar ABŞ-nin təhdidləri və həm İsrail, həm də ABŞ qüvvələrinin regionda fəallığının artması ilə bağlı qəbul edilib.
Bu gün İranın xarici işlər naziri Abbas Əraqçi ABŞ ilə birbaşa danışıqları mənasız hesab etdiyini bildirib.
