Türkiyənin Xarici işlər naziri Hakan Fidan bildirib ki, ABŞ-nin Ukrayna ilə bağlı təklif etdiyi atəşkəs müsbət haldır, lakin bu cür razılaşmaların icrasını çətinləşdirən bir sıra məqamlar və reallıqlar var.
Teleqraf xəbər verir ki, nazir CNN Türk-ə açıqlamasında belə deyib.
O vurğulayıb: "Düşünürəm ki, atəşkəs çağırışı çox dəyərlidir. Amerikanın sadə atəşkəs çağırışını avropalılar, xüsusilə də Ukrayna tərəfindən qəbul edilən reallığa çevirməsi çox müsbət haldır. Amma bunu praktikada həyata keçirməkdə bəzi çətinliklər var. Yəni, Tramp atəşkəs istiqamətində müəyyən addımlar atdı, lakin bunu edərkən, o, bəzi məqamlar və müəyyən reallıqlarla qarşılaşdı" .
Fidan hesab edir ki, reallıq, bəlkə də başqa həll üsullarını gündəmə gətirməyi tələb edir: "Amma inanıram ki, atəşkəs iradəsi qaldıqca, müsbət dəyişikliklərə ümid etmək olar. Rusiyanın atəşkəslə bağlı öz fikirləri var. Ukraynanın isə, əlbəttə ki, öz mülahizələri var. Hər iki tərəf müzakirələr aparır və narahatlıqlarını ifadə edir. Mən vurğulamaq istərdim ki, bu müzakirələr yeni başlayıb. Müharibə uzun müddətdir ki, amma ciddi mənada danışıqlar təzəcə başlayıb".
Türkiyəli nazir onu da qeyd edib ki, ola bilsin ki, “Amerika və Avropa İttifaqı danışıqlara, xüsusən də sanksiyalar mövzusunda yeni meyar gətirə bilər”. Bu mövzuda danışıqların başlanması, Fidanın fikrincə, "müzakirəni uzunmüddətli sülh məsələsinə gətirib çıxarmağa" şərait yaradır, hərçənd, ilk növbədə "atəşkəs haqqında razılaşmalar əldə etmək lazımdır".
