“Yuxarı tənəffüs yolları xəstəliklərini mövsümi xəstəliklər adlandırmaq olar . Qış aylarında havanın temperaturu kəskin şəkildə aşağı düşür, bu da yeni xəstəliklərə yol açır “.
Bunu “Sherg.az”a tibb üzrə fəlsəfə doktoru, həkim Şəmsiyyə Namazlı bildirib. Onun sözlərinə görə, hava nəmliliyinin çox olması və insanların məsafə saxlamaması infeksiyanın yayılmasına səbəb olur:
“İnsanların bir-biri ilə əlaqədə olmaları, əksər yerdə qapı-pəncərələri bağlı saxlamaları bu hallara yol açır.Yuxarı tənəffüs xəstəlikləri hava-damcı yolu ilə keçir. Son 2-ildir, “Covid-19”, quş qripi və donuz qripi ilə qarşılaşmaq birmənalı olaraq dünyada müşahidə olunmaqdadır. Son aylar yaranan infeksiyaları nəzərə almasaq, hər zaman qışın gəlməsi ilə bağlı xəstəliklər olub. Teperaturun birdən yüksəlməsi və ya enməsi insanların sağlamlığına təsir göstərir. İsti geyimdən yüngül geyimə keçmək, evdəki hava ilə bayırdakı havanın eyni olmaması xəstəliklərə gətirib çıxarır.
Daha çox yaşlılar,uşaqlar, xironiki xəstəlikləri olan, ürək-damar xəstəliklərindən əziyyət çəkən insanlar özlərini qorumalıdırlar. Sıxlıq və qapalı yerlərdə maskadan istifadə etməlidirlər. Bir çox insanda “D” vitamini normal qaydada olmur. Bunu mütəmadi olaraq yoxlatmamaq daha böyük fəsadlara aparır. Bəzi insanlar immuniteti gücləndirmək üçün zərərli məhsullardan istifadə edərək sağlamlıqlarına ziyan vururlar. Şirniyyatlardan, enerji içkilərindən və digər məhsulların köməkliyi ilə vitamin qəbul etdiklərini düşünürlər, amma yanılırlar”.
Həkim sonda onu da əlavə edib ki, xəstəliklərlərdən müddafiə olunmaq tamamilə insanlara bağlı bir məsələdir:
“Vaxtında sağlamlığa diqqət göstərib yaxşı qidalanmaq, təmiz havaya çıxmaq, idmanla məşqul olmaq və tez-tez ətrafi dezinfeksiya etmək lazımdır”.
Şərqiyyə NƏBİ
