“Dünən baş verən hadisələr də bu prosesi sürətləndirdi”
“Rusiya səy göstərsə, Paşinyan hansısa bir formada danışıqlar masasına əyləşəcək”
“Rəsmi Moskva istəyir ki, prosesdə əsas qüvvə özü olsun”
“Hadisələrin bu şəkildə davam etməsi bir neçə görüş olacağını və tərəflər arasında sazişlərin mərhələli şəkildə imzalanacağını göstərir”
“9 noyabr tarixində Azərbaycan Ermənistan və Rusiya dövlət başçılarının görüşü planlanlaşdırılırdı. Ermənistan ictimaiyyəti buna imkan vermədi. Bundan sonra sərhəddə silsilə təxribatlar başladı”.
Bu sözləri “Sherg.az”a sərhəddəki təxribatları şərh edərkən politoloq Azər Rəşidoğlu “Sherg.az”a deyib. O qeyd edib ki, rəsmi İrəvanda daxili vəziyyət o qədər gərginləşdi ki, Nikol Paşinyan müdafiə nazirini dördüncü dəfə dəyişdi:
“Bu baş verməkdə olan prosesləri müsbət istiqamətə yönəldə bilmədi. Güman edirəm ki,Ermənistan danışıqlar masasına oturmağa hazır deyil. Onu narahat edən əsas məsəslə Zəngəzur dəhlizinin açılmasıdır”.
A.Rəşidoğlu rəsmi İrəvanın kommunikasiyaların açılmasına tərəfdar olsa da, Zəngəzur dəhlizi məsələsində hələ də razılığa gələ bilmədiyini vurğulayıb:
“Görünür, bu məsələdə əsas aparıcı qüvvənin Rusiya olduğunu nəzərə alaraq Paşinyan faktiki olaraq Kremlə qarşı çıxır. Fikrimcə, son günlər törədilən təxribatlar birbaşa Rusiya tərəfindən idarə olunub. Son döyüşlər rəsmi İrəvanın danışıqlar masasına oturmaqdan başqa yolunun qalmadığını göstərir. Dünən baş verən hadisələr də bu prosesi sürətləndirdi. Rusiya səy göstərsə, Paşinyan hansısa bir formada danışıqlar masasına əyləşəcək. Rəsmi Moskva istəyir ki, prosesdə əsas qüvvə özü olsun. Hadisələrin bu şəkildə davam etməsi bir neçə görüş olacağını və tərəflər arasında sazişlərin mərhələli şəkildə imzalanacağını göstərir”.
Politoloq sonda hazırda yekun sülh imzalanmasının real görünmədiyi diqqətə çatdırıb.