MAQATE-nin baş direktorunun müavini Mixail Çudakov bildirib ki, Yer kürəsində aşkar edilmiş təbii uranın ehtiyatları bu əsrin atom elektrik stansiyalarını təmin etmək üçün kifayətdir.
Teleqraf xəbər verir ki, Çudakov TASS-a açıqlamasında belə deyib.
"Uran ehtiyatları qiymətdən asılıdır. Ötən gün Rosatomun baş direktoru Aleksey Lixaçovun qeyd etdiyi kimi, narahat olmağa dəyməz. Heç bir qəza olmayacaq. Uran bu və ya digər qiymətə çıxarılır. Həm də istənilən yerdən çıxarmaq mümkündür. Bu, hər kilovat-saat maya dəyəri ilə bağlı olacaq. Bu, ucuz olmayacaq. Başqa sözlə, bu əsrdə fərqli qiymət olacaq", - o deyib.
Onun sözlərinə görə, planetdə vaxtaşırı uran yataqları aşkar edilir.
"Biz daim yeni uran yataqları kəşf edirik. Müvafiq araşdırmalar aparırıq. Onun sabah tükənəcəyi ilə bağlı narahatedici heç nə görmürəm", - o bildirib.
