Onlayn qəzet

Digər kateqoriyalar

Paşinyan “Qarabağ klanı”nın ciddi müqaviməti ilə üzləşib: "Koçaryan çevriliş planını gizlətmir"

Turan 10:29 26.08.2019 Siyasət 758
“Ermənistanda siyasi aktivliyin artması və müəyyən qruplaşmaların, xüsusilə “Qarabağ klanı” üzvlərinin fəallığı düşmən ölkənin indiki durumu üçün normal haldır”. Bunu “Sherg.az”a açıqlamasında Vəhdət Partiyasının sədr müavini, politoloq Vasif Əfəndiyev deyib. 
Partiya funksioneri deyib ki, “Qarabağ klanı”nın idarəçiliyi dövründə Ermənistanda kütlələrin və ayrı-ayrı siyasi qurumların narazılığı baş versə də, hakimiyyət ümumilikdə proseslərə nəzarət etməyi bacarırdı: 
“Əvvəlki dövrdə ölkədə stabilliyin qorunması hakimiyyətin sərt və qəddar müdaxiləsi nəticəsində baş tuturdu. Rüşvət və korrupsiyaya bulaşmış hakimiyyətin sonunun gələcəyi görünürdü və nəhayət bu baş verdi. Paşinyanın hakimiyyətə gəlməsi maraqlı proseslər fonunda reallaşdı. Rusiya Ermənistanda hakimiyyət dəyişikliyini istəməsə də, reallığı dərk edərək Qərblə birlikdə Paşinyana dəstək verməyə məcbur oldu. Beləliklə Paşinyan iki əks qütbün “xeyir-duası” ilə hakimiyyətə gətirildi. Ancaq xalqa demokratik islahatlar vəd verən Paşinyan “Qarabağ klanı”nın” ciddi müqaviməti ilə üzləşdiyindən bu reformaları həyata keçirə bilmir. Payızın ortalarında Ermənistanda siyasi aktivliyin daha da artacağı gözlənilir. Eks-prezident Robert Koçaryan Paşinyanı devirmək planını gizlətmir. Ona görə də güclü müxalifət bloku yaradılacağı gözlənilir. “Qarabağ klanı” meydan vasitəsilə siyasi basqılara əl ataraq növbədənkənar parlament seçkilərinin keçirilməsinə nail olmağa çalışacaq. Lakin Paşinyan kütlə psixologiyasını bildiyi üçün onun da əks həmləsini görəcəyik”. 
Analitikin sözlərinə görə, payız-qış aylarında Paşinyan “Qarabağ klanı”nı tam məğlubiyyətə uğratmaq üçün radikal addımlar atacaq: 
“Baş nazir ilk növbədə R.Koçaryana məhkəmə hökmü çıxarılmasına çalışacaq. Bundan sonra Koçaryan ölkəni tərk edərək Moskvada mühacir həyatı yaşamağa məcbur olacaq. Proseslərin necə davam etməsindən asılı olmayaraq, Paşinyan Dağlıq Qarabağ probleminin çözülməsi istiqamətində erməni xalqının mənafeyni qətiyyən düşünmür. Onun mütəmadi olaraq Qarabağa gəlişi və şoular göstərməsi Azərbaycan ictimaiyyətini qıcıqlandırmağa yönəlmiş gedişlərdir. O əmindir ki, Azərbaycan tərəfi hərbi əməliyyatları bərpa etməyəcək. Lakin Rusiya sona qədər Ermənistanın arxasında dayanmaya bilər. Moskvanın Qarabağ münaqişəsində konkret hansı mövqeyi tutacağı məlum deyil”.

Yazarın bütün yazılarına bax
Turan

Oxşar xəbərlər

Çinin xarici işlər naziri: Azərbaycan Orta Dəhlizdə mühüm mövqeyə malikdir
Çinin xarici işlər naziri: Azərbaycan Orta Dəhlizdə mühüm mövqeyə malikdir
20:10 14.10.2026
Qətər Əmiri Azərbaycana səfərə gəlib
Qətər Əmiri Azərbaycana səfərə gəlib
19:52 14.10.2026
Hakan Fidan Bakıya gəlib - YENİLƏNİB
Hakan Fidan Bakıya gəlib - YENİLƏNİB
19:45 14.10.2026
Rəşad Aslanov Türkiyə Prezident Administrasiyasının rəsmisi ilə görüşdü
Rəşad Aslanov Türkiyə Prezident Administrasiyasının rəsmisi ilə görüşdü
21:06 13.10.2026
Tom Berendsen Azərbaycana rəsmi səfər edəcək
Tom Berendsen Azərbaycana rəsmi səfər edəcək
18:42 13.10.2026
Milli Məclisin növbəti iclasının tarixi və gündəliyi məlum olub
Milli Məclisin növbəti iclasının tarixi və gündəliyi məlum olub
18:12 13.10.2026

Xəbər lenti

Hamısına bax