Yaponiya Özünümüdafiə Qüvvələrinin qırıcıları ölkənin hava məkanına Rusiyanın “İl-20” kəşfiyyat təyyarəsi daxil olduqdan sonra havaya qaldırılıb.
“Report” "İnterfaks"a istinadən xəbər verir ki, bu barədə Yaponiyanın Birləşmiş Qərargah Rəisləri Komitəsi məlumat verib.
Məlumata görə, ötən gün “İl-20” təyyarəsi Hokkaydo və Honsyu adalarının qərb sahilləri boyunca Yapon dənizi akvatoriyası üzərində uçuş edib.
Bildirilib ki, cavab olaraq Yaponiyanın Özünümüdafiə Hava Qüvvələrinin Şimal Hava Hücumundan Müdafiə qüvvələri və digər qırıcıları havaya qaldırılıb.
