“Gələn həftədən müəllimlərin işə qəbulu üzrə imtahanlarda iştirak üçün elektron sənəd qəbulu başlayır”.
Oxu.Az-ın məlumatına görə, bunu elm və təhsil naziri Emin Əmrullayev keçirdiyi brifinqdə bildirib.
Onun sözlərinə görə, bu il səkkiz minə yaxın müəllim eyni anda imtahan verə biləcək:
“İbtidai sinif müəllimləri istisna olmaqla, digər ixtisas müəllimləri bir seansda imtahan verə biləcəklər. Bu il 31 mərkəzdə imtahanlar keçiriləcək. Son 10 ildə dörd müəllimdən biri müsabiqə əsasında, üçü isə köhnə sistem əsasında işə qəbul olunub”.
Nazir əlavə edib ki, 2023-cü ildə 10 minə yaxın vakansiya elan olunacaq.
