"Çıxardığımız direktorların 20%-i məhkəmə yolu ilə geri qayıdıb".
Teleqraf xəbər verir ki, bunu elm və təhsil naziri Emin Əmrullayev “Sertifikatlaşdırma 2025: peşəkar müəllim - keyfiyyətli təhsil" mövzusunda ADA Universitetində keçirilən tədbirdə deyib.
O bildirib ki, qanunvericiliyə əsasən səs yazısına görə həmin direktorların işinə xitam verilə bilmir.
"Buna görə də səsi yazılan və yayılan həmin direktorların işinə xitam verilməyib. Xitam verilənlər isə məhkəmə yolu ilə geri qayıdıblar. Biz səsi yazılan direktorların heç birini müdafiə etmirik. Onların etdiyi ən azından qeyri-etik davranışdır. Bu demək deyil ki, bütün direktorlar pisdir. Pis olanların sayı 1% təşkil edir".
