Onlayn qəzet

Digər kateqoriyalar

Deputatların təklifi qəbul olunan deyil

22:57 19.11.2013 Arxiv 1684
Həqiqi hərbi xidmətin vaxtının başlanma tarixinin dəyişdirilməsi müzakirəyə çıxarılacaq

"Azərbaycanda çağırışçılar üçün həqiqi hərbi xidmətin vaxtının başlanma tarixinin dəyişdirilməsi müzakirəyə çıxarılacaq”. Bu barədə Milli Məclisdən bildirilib. Məlumata görə, bununla bağlı "Hərbi xidmət haqqında” qanunun 14-cü maddəsinə dəyişikliklər təklif olunur. Layihəyə əsasən, çağırışçılar üçün həqiqi hərbi xidmətin başlanğıc tarixi Səfərbərlik və Hərbi Xidmətə Çağırış üzrə Dövlət Xidməti tərəfindən xidmət yerinə göndərildiyi gündən hesablanacaq. Hazırda qüvvədə olan maddəyə görə isə çağırışçılar üçün həqiqi hərbi xidmətin başlanğıcı hərbi hissəyə göndərilməkdən ötrü Səfərbərlik və Hərbi Xidmətə Çağırış üzrə Dövlət Xidmətinə gəldikləri gündən hesablanır. Layihənin yaz sessiyasında parlamentdə müzakirəyə çıxarılması gözlənilir. Hərbi ekspert Üzeyir Cəfərov isə "Şərq”ə dəyişikliyin arzuolunan olmadığını bildirib. Onun sözlərinə görə, çağırışçı Səfərbərlik və Hərbi Xidmətə Çağırış üzrə Dövlət Xidmətinə (hərbi komissarlığa) gəlirsə, deməli o, həmin gündən hərbi xidmətə başlayır: "İndiyə qədər belə olub. Çox yaxşı qanundur. Yəni həmin müddətdə çağırışçının başına gələcək hər hansı bir işə dövlət məsuliyyət daşıyır. Bəzən komandirlər bunu düzgün dəyərləndirmirlər. Amma nəzərə almaq lazımdır ki, vətəndaşların dövlətə xidmət borcları var. Ona görə də vətəndaş Səfərbərlik və Hərbi Xidmətə Çağırış üzrə Dövlət Xidmətinə çağrıldığı gündən onun hərbi xidməti başlayır. Ölkə prezidenti İlham Əliyev də bununla bağlı sərəncam verib. Sərəncamda bildirilir ki, məsələn, yanvar ayının 1-dən 31-nə qədər orduya həqiqi hərbi xidmətə çağırış aparılsın və xidmət müddəti başa vurmaq şərtilə ordu sıralarından ehtiyata tərxis olunsun. Hərbi xidmət üçün əsas sənəd prezidentin çağırışla bağlı verdiyi sərəncamdı. Bütün hərbi hissələr də həmin sərəncama uyğun addım atmalıdırlar. Ölkə başçısının qərarına heç bir yozum ola bilməz. Bu məsələdə yeni kəşflərə ehtiyac duyulmur. Ola bilsin ki, millət vəkilləri məsələni təklif ediblər. Onlar prezidentin sərəncamına qarşı addım ata bilməzlər. Çünki İ.Əliyevin sərəncamı hər bir vətəndaş üçün hüquqi əhəmiyyət kəsb edən sənəddir”.


Oxşar xəbərlər

post-slider
Sabah Bakıya arabir yağış yağacaq
12:48 05.01.2025
post-slider
Günün qoroskopu: enerjiniz yüksək olacaq
05:57 02.01.2025
post-slider
Bəzi magistral yollarda görmə dumana görə məhdudlaşacaq
04:54 31.12.2024
post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024

Xəbər lenti

Hamısına bax