Bu gecə saat 04:20 radələrində Bakının Sabunçu rayonunda məhbus özünü öldürməyə cəhd edib. Sabunçu rayon Polis İdarəsi 15-ci polis bölməsindən ANS PRESS-ə verilən məlumata görə, hadisə Kürdəxanı təcridxanasında qeydə alınıb.
Burada saxlanılan 40 yaşlı Amin Qafarov özünü asıb.
Bunu görən nəzarətçilər dərhal onu ölümdən xilas ediblər. Məhbusa ilkin tibbi yardım göstərilib.
Məhbusun özünü öldürmək istəməsinin səbəbləri bilinmir.
Faktla bağlı araşdırma aparılır.
