"Valyutadəyişmə məntəqələrinin bərpa edilməsində heç bir problem yoxdur”.
Bu barədə "Sherg.az”a iqtisadçı, millət vəkili Vahid Əhmədov danışıb.
O bildirib ki, dünya təcrübəsində valyutalar yalnız Mərkəzi Bankların nəzdində olan valyutadəyişmə məntəqələrində dəyişdirilir:
"Ölkədə valyutadəyişmə məntəqələri bağlandıqda şənbə və bazar günləri banklar işləmədiyinə görə, turistlər üçün problem yarandı. Ona görə, "exchange”lərin bərpa olunması qərara alındı. Hazırda heç bir problem yoxdur. Bununla yanaşı sözügedən sahədə bumun yaşanacağına inanmıram. Çünki nizamlama kapitalı 50 min manat nəzərdə tutulub. Bu böyük məbləğ valyutadəyişmə məntəqəsi açmaq istəyən hər kəs üçün problem yarada bilər".
Qeyd edək ki, hazırda Azərbaycanda valyutadəyişmə məntəqələri - "exchange” açmaq istəyən banklar və fərdi sahibkarlar həddən artıq çox olsa da, hələlik bununla bağlı müraciətlər qəbul edilmir.
Aysel Aslan
