Edirnənin Keşan qəsəbəsində yaşayan 19 yaşlı İsmət Polad Qaşıqçıya, təxminən 9 ay əvvəl, baş ağrısı şikayətiylə getdiyi xəstəxanada beyin xərçəngi diaqnozu qoyuldu. İsmət, beynindəki şiş səbəbiylə iyun ayında Ankara xəstəxanasında bir əməliyyat keçirdi.
Ancaq anası Türkan Kürklüoğlunun iddiasına görə, əməliyyatdan sonra oğulunun vəziyyəti daha da pisləşib. Yemək yeyə, danışa bilməyib. 3 ay kimyaterapiya görən İsmət, anasının səyləri nəticəsində həkimləri belə çaşdıraraq qismən yeməyə və hecalamağa başladı. Kimyaterapiyanın problemsiz davam etməsi üçün İsmətin aşağı olan qanın yüksəlməsi lazım idi. Bir çox yolu sınayan ana Kürklüoğlunun müraciət etdiyi üsullardan biri də ana südü oldu. "Həkimlərinin söylədiyi bir şey deyildi, özüm sınayaraq tapdım. Oğulumun qan faizini ana südünü içdiyi ilk gündə 4 dəfə artdı” deyir Kürklüoğlu. Hadisə ictimai mediada eşidilincə, çiçəyi burnunda bir çox ana İsmət üçün səfərbər oldu, ailəyə Türkiyənin hər yerindən ana südü yağmağa başladı. Kürklüoğlu, "Analar südlərini buzların içinə yerləşdirib evimizə göndərdi. Hətta bəzi analar bura gələrək evimizdə südünü sağdı. 2-3 aylıq ehtiyatımız yarandı. Oğuluma içirə bildiyim qədər ana südü içirirəm. Hər kəsə minnətdaram” deyə bildirib
Kürklüoğlu, ayrı olduğu həyat yoldaşının oğulunun əməliyyatı əsnasında bir dəfə xəstəxanaya gəldiyini, sonrasında axtarıb soruşmadığını ifadə edir.
Ana-oğul indi müalicə üçün yeni bir ümidin xəyalı ilə yaşayır. "Səhiyyə naziri Müezzinoğlu bizi ziyarətə gələcəkmiş. Oğulumun ‘Gamma Knife’ adlı bir cihazla müalicəsi gündəmdədir. Belə olsa kimyaterapiya girmək məcburiyyətində qalmayacaq” deyir ana Kürklüoğlu.
Prof. Şuayip Yalçın, ana südünün qan dəyərlərini yüksəltdiyinə dair elmi bir dəlil olmadığını söylədi. Yalçın, "Yalnız ‘Görəsən?’ deyən bəzi işlər var, amma müalicəedici olduğuna dair tibbi tapıntı yoxdur. Həkimlər də təklif etmir zatən” dedi. Prof. Gökhan Dəmir isə "Ana südüylə əlaqədar belə bir fərziyyə var son dövrdə, bir çox xəstəmizdən eşidirik. Amma elmi bir məlumat yoxdur” deyə danışdı.
