Ərzurumun Oltu qəsəbəsində Alaattin Akbulut (87), əsgər yoldaşının cənazəsinə qatılıb. O, qəbiristanlıqda 6 ay əvvəl onun üçün qazılan məzarı da görüb.
Aylar əvvəl əməliyyat keçirən və əməliyyat sonrası "öldüyü” sanılan Alaattin Akbulut onun üçün məhəllə qəbiristanlığında qazılan məzar başında duyğulanıb. Təxminən 6 ay əvvəl Ərzurumda bağırsaq əməliyyatı olunan 87 yaşlı Akbulutun oğulu atasının bu yaşda və çətin bir əməliyyatdan sağ çıxa bilməyəcəyi düşüncəsiylə dərhal məhəllə muxtarını axtarıb. Muxtara atasının "öldüyü” səbəbiylə dərhal məhəllə qəbiristanlığında bir məzar hazırlanmasını söyləyib. Məhəllə muxtarı da məhəllədəki gənclərə dərhal bir məzar qazdırıb. Ancaq əməliyyat sonrası həyatdan möhkəm yapışan Alaattin Akbulut, bir müddət xəstəxanada müalicə gördükdən sonra məhəlləyə dönüb. Akbulut üçün qazılan məzar da eləcə qalıb. Keçən günlərdə eyni məhəllədə yaşayan və eyni zamanda onun əsgərlik yoldaşı olan bir adamın dəfninə məhəllə qəbiristanlığına gedən Alaattin Akbulut, onun üçün qazılan məzarı görər. Məzarın başında bir müddət dayanan Akbulut, nə hiss etdiyi sualına kədərləndiyini söyləyib. 4 uşaq atası olan Alaattin Akbulut, hazırda sağlamlıq vəziyyəti yaxşı olduğunu ifadə edərək məhəllə qəbiristanlığında dəfn edilən əsgərlik yoldaşına dualar edib.
