"Feyk" səhifələrdə vətəndaşların şəxsi məlumatlarının toplanmasına cəhd göstərilir
Heydər Əliyev Hava Limanının adından feysbukda itirilmiş baqajların satışa çıxarılması ilə bağlı reklam mövcuddur. Reklamda 6 aydır anbarda saxlanılan, sahibləri tapılmayan itirilmiş baqajların ucuz qiymətə satıldığı qeyd olunub və alış-veriş etmək üçün link göstərilib.
Qeyd edilib ki, Aeroport itirilmiş baqajı 3,64 AZN-ə satışa çıxarıb. Hər il anbarlarda çoxlu sayda itirilmiş və ya unudulmuş çamadanlar toplanır.
Qaydalara əsasən, hava limanı yoxlanılmamış baqajı utilizasiya edilir. Amma bu dəfə xeyriyyə aksiyası təşkil edir və çamadanı 3,64 manata satır.
-ekspert Natiq Cəfərli isə sözügedən reklamın "feyk" səhifələrdə paylaşıldığını deyib. Ekspert “Sherg.az"a açıqİqtisadçılamasında qeyd edib ki, aeroportun adından sosial şəbəkələrdə açılmış saxta səhifələr vasitəsilə vətəndaşların şəxsi məlumatlarının toplanmasına cəhd göstərilir:
"Bu tip məlumatlar tamamilə saxtadır və Bakı hava limanı ilə heç bir əlaqəsi yoxdur. Vətəndaşlara diqqətli olmağı tövsiyə edən iqtisadçı deyib ki, bu cür linkləri açmaq təhlükəlidir. Onun sözlərinə görə, bu elanlar insanların kart məlumatlarını və göndərdikləri pulları mənimsəmək üçün qurulmuş bir tələdir. Zaman-zaman bununla bağlı aidiyyəti qurumların rəsmi açıqlamaları da olub ki, belə bir hal yoxdur.
Xarici ölkələrdə itirilmiş baqajların ucuz qiymətə satışa çıxarılması təcrübəsinin olduğunu vurğulayan ekspert bildirib ki, hələlik ölkəmizdə belə bir sistem mövcud deyil: “Bildiyim qədəri ilə baqajlar bir il müddətində saxlanc məntəqəsində saxlanılır, müddət başa çatdıqdan sonra isə utilizasiya olunur”.
