ABŞ Beynəlxalq İnkişaf Agentliyinin (USAID) Vaşinqtonda yerləşən baş ofisi ölkə administrasiyasının qərarı ilə bağlanıb.
Agentliyin loqosu Vaşinqtondakı Ronald Reyqan binasında yerləşən qərargahının önündən çıxarılıb.
Xatırladaq ki, keçən ilin sonlarında “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində Prezident İlham Əliyev bildirmişdi ki, Rusiya USAİD-i qadağa etməklə doğru iş görüb:
“Zənnimcə, Tramp onu qadağan edə bilər. Mən düşündüyümü deyirəm, o, ümumiyyətlə, sıradan çıxa bilər. Bax, onlar təkidlə kömək etmək istəyirlər. Amma biz, necə deyərlər, yetkin insanlarıq, hər şeyi başa düşürük. Ona görə də bütün bunları qaydaya saldıq”, - Prezident deyib
Siyasi elmlər üzrə fəlsəfə doktoru, politoloq Şəbnəm Həsənova "Sherg.az"a deyib ki, ABŞ Prezidenti Donald Tramp hələ seçki kampaniyası zamanı ciddi struktural təşkilatı dəyişiklik edəcəyi və ayrılmış xarici yardımların auditini aparacağı planını dəfələrlə bildirirdi:
"O, USAİD-i də tənqid edir və bildirirdi ki, agentlik ABŞ vergi ödəyicilərinin vəsaitlərini bütün dünyada ölkənin maraqlarına xidmət etməyən layihələrə xərcləyir. Tramp administrasiyasının məqsədi odur ki, xərclər "Birinci Amerika" xarici siyasətinə uyğun bölüşdürülməni təmin etmək üçün nəzərdən keçirilsin. Budur, USAID-in ən gülməli xərclərinin siyahısı dərc edildi. Tənqidi və ya özləri kimi qərəzli yanaşacağımızı sanmadan məlumatı heç yerdən deyil, elə Ağ Evin saytından bildirək ki, “USAID faktiki olaraq kök salmış bürokratların gülünc və bir çox hallarda zərərli layihələrinə külli miqdarda pul köçürdü, onilliklər ərzində vergi ödəyiciləri ilə hesablaşa bilmədi”. Həmçinin agentlik yüz minlərlə dolları müəyyən edilmiş terror təşkilatları ilə əlaqəli olaraq qeyri-kommersiya təşkilatı işlər üçün sərf edib.
Donald Trampdan başqa onun federal xərclərin və proqramların azaldılmasını həyata keçirən milyarder İlon Mask da söylədi ki, USAİD-in işi “inanılmaz dərəcədə siyasi baxımdan qərəzlidir” və “düzəldilə bilməz”".
Politoloq əlavə edib ki, dövlətimizin bu təşkilata yanaşması cənab Prezident İlham Əliyevin fikirlərindən bəlli olur:
"Heç bir tərəf, qurum, aktor cəmiyyətimizi kirli məqsədləri üçün istifadə edə bilməz. Mahiyyəti sırf qərəz, birtərəfli, haqsız yanaşmadır. Məhz dövlətləri, cəmiyyətləri pulla ələ almaq yolunu tutaraq bu vasitə ilə də onların boynuna nəzarət, diktə ipi dolamağa çalışan, qarşılarında borcluya, boyundurağa çevirməyə cəhd edən istənilən aktorun, təsisatın çöküşü yalnız müsbət dəyərləndirilməlidir. Ümumiyyətlə USAİD-in bağlanması ABŞ-Azərbaycan münasibətlərinə vurulmağa cəhd edilən maneələrdən birinin aradan qaldırılması da olduğundan bu, cığırların təmizlənməsi deməkdir".
