“2026-cı ilə dair planlarımız və görülən işlərimiz təkcə Azərbaycanla münasibətlərin normallaşdırılması və ya əldə edilmiş sülhün institusionallaşdırılması ilə məhdudlaşmır, bunlar daha genişmiqyaslıdır”.
Teleqraf xəbər verir ki, bunu Ermənistan xarici işlər naziri Ararat Mirzoyan bildirib.
Nazir yaxın gələcəkdə Ermənistan-Türkiyə sərhədlərinin açılması prosesi ilə bağlı ciddi nəticələrin olacağını bəyan edib.
“Türkiyədəki tərəfdaşlarımızla çox intensiv dialoq aparırıq, ən yüksək səviyyədən başlayaraq: Baş nazir Paşinyan və Prezident Ərdoğan arasında, eləcə də daimi nümayəndələr, xarici işlər nazirləri, nazirliklərin komandaları və digər dövlət qurumları arasında. Bu prosesi çox müsbət qiymətləndirirəm və bu dialoqla bağlı optimist olduğumu qeyd etmək istəyirəm. Ümid edirəm ki, yaxın vaxtlarda bu istiqamətdə aydın nəticələr, nailiyyətlər və razılaşmalar əldə edəcəyik”, - Mirzoyan vurğulayıb.
