"Bakıda keçiriləcək BMT-nin İqlim Dəyişmələri üzrə Çərçivə Sazişinin Tərəflər Konfrasının 29-cu Sessiyasında (COP29) Çilini 121 nəfərlik nümayəndə heyəti təmsil edəcək".
APA xəbər verir ki, bunu Çilinin ölkəmizdəki səfiri Giancarlo Alberti deyib.
O əlavə edib ki, Çilidən Azərbaycan səfər üçün üç təyyarədən istifadə etməyin vacibliyini düşündükdə, bu rəqəm kifayət qədər diqqətçəkəndir: "Çili ilə Azərbaycan arasında əlaqələr 1994-cü ildən qurulub. Ötən 30 illik müddətdə biz bir-birimizin mövqelərini açıq şəkildə dəstəkləmişik və bu dəstək davam etdiriləcək".
Səfirin sözlərinə görə, bu ay ərzində Bakıda Çili Səfirliyinin Konsulluq Şöbəsi də fəaliyyətə başlayacaq.
Diplomat deyib ki, ölkələrimiz bir-biri ilə istər ikitərəfli, istərsə də beynəlxalq təşkilatlar çərçivəsində uğurla əməkdaşlıq edir və rəsmi Santyaqo bu əməkdaşlığın müxtəlif sahələrdə daha da genişləndirilməsində maraqlıdır.
