Diyarbəkirdə zorakılığa məruz qalan eşşəyin Heyvan Haqları Federasiyasının (HAYTAP) Təqaüdçü Heyvanlar Fermasında qalacağı bəlli olub.
Sherg.az türk mediasına istinadən xəbər verir ki, avqustun 13-də bir şəxsin eşşəyi çubuqla döyməsi sosial şəbəkədə böyük reaksiya doğurub.
İl Təhlükəsizlik Müdirliyi Ətraf Təbiəti və Heyvanları Qoruma Bürosu qrupları hərəkətə keçərək C.S.-ni nəzarət altına alıb.
İfadəsində “Eşşək məni dişlədi, ona görə əsəbiləşdim və onu çubuqla döydüm” deyən C.S.-yə 4 min 500 TL inzibati cərimə kəsilib.
Qeyd edək ki, Diyarbəkirdə yaşayan C.S. avqustun 13-də qapıya bağlanmış eşşəyi dəyənəklə bir neçə dəfə vurub.
![](https://cdn1.ntv.com.tr/gorsel/-Wkv-Mk8PEKxsS-KnQzG-g.jpg?width=960&mode=crop&scale=both)
Həmin anlar mobil telefon kamerası ilə lentə alınıb. Görüntülərin sosial mediada paylaşılmasının ardından hərəkətə keçən İl Təhlükəsizlik Müdirliyi Ekologiya, Təbiət və Heyvanları Qoruma Bürosu qrupları C.S.-ni saxlayıb.
Qoruma altına alınan eşşək daha sonra İl Kənd Təsərrüfatı və Meşə Müdirliyi, Diyarbakır Böyükşəhər Bələdiyyəsi və HAYTAP-ın əməkdaşlığı ilə Osmaniyedəki Təqaüdçü Heyvanlar Fermasına yerləşdirilib.
Ağır yük daşıdığı üçün belində yaralar olan eşşəyin ömrünün sonuna qədər fermada qalacağı öyrənilib.