Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrell Kiyevə səfəri zamanı yeni müdafiə naziri Rustem Umerov ilə görüşüb. Onlar Aİ-nin gələcək hərbi yardımını müzakirə ediblər.
APA-nın “RBC-Ukrayna”ya istinadən verdiyi məlumata görə, bu barədə Borrell Kiyevdə keçirdiyi mətbuat konfransında danışıb.
O qeyd edib ki, görüş zamanı onlar məlumat mübadiləsi və cəbhədəki vəziyyəti, eləcə də Aİ-nin Ukrayna ordusuna dəstəyi məsələlərini müzakirə etmək imkanı əldə ediblər.
Bundan əlavə, Borrell Aİ-nin Ukraynaya dəstəyi davam etdirəcəyini vurğulayıb.
