ABŞ-nin müdafiə naziri Lloyd Ostin türkiyəli həmkarı Yaşar Gülər ilə telefon danışığında Türkiyə hərbçilərinin Suriyadakı fəaliyyətini müzakirə ediblər.
“Report” xəbər verir ki, bu barədə ABŞ Müdafiə Nazirliyinin mətbuat katibi Patrik Rayder bildirib.
“Müdafiə naziri (Lloyd Ostin – red.) Türkiyənin Suriyadakı ABŞ qüvvələrinin yaxınlığındakı fəaliyyətini müzakirə etmək üçün Türkiyə müdafiə nazirinə zəng edib. Nazir əmin edib ki, ABŞ Suriyada yalnız İŞİD-ə qarşı mübarizə çərçivəsində fəaliyyət göstərir”, - o qeyd edib.
