Gürcüstan hakimiyyətinin parlament seçkilərindən sonra eks-prezident Mixail Saakaşvilinin Vahid Milli Hərəkat Partiyası və ona bağlı birliklərin konstitusiyaya zidd fəaliyyətinin tanınması təşəbbüsünü həyata keçirməsi Avropa Komissiyasının reaksiyasına səbəb olacaq.
Axar.az xəbər verir ki, bunu AB-nin xarici siyasət və təhlükəsizlik məsələləri üzrə mətbuat katibi Peter Stano deyib.
“Hazırkı fəaliyyət kursu Gürcüstanın AB-yə gedən yolunu təhlükə altına qoyur və faktiki olaraq üzvlük prosesini dayandırır. Avropa Komissiyası Gürcüstandakı ritorika və hadisələri diqqətlə izləyir və buna uyğun cavab verməyə hazırdır. Bütün variantlar masadadır və bu bəyanatlar reallaşarsa, biz buna uyğun hərəkət edəcəyik”, - Stano bildirib.
